Mustafa: Nuk kemi ardhur në pushtet për të vjedhur e rrënuar

Kryeministri i Kosovës, Isa Mustafa ka deklaruar se nuk kanë ardhur në pushtet për të vjedhur e rrënuar dhe nuk kanë mendjen të japin dorëheqje, duke u dorëzuar para atyre që dalin në rrugë.

“Nuk është qëllimi ynë që të djegim institucionet e Kosovës. Nuk mund të jenë dy marrëveshje arsyeja për të ushtruar dhunë ndaj institucioneve. Ne nuk kemi ardhur në pushtet për të vjedhur, por për të zhvilluar vendin, dhe nuk e kemi ndërmend që të japim dorëheqje”, është shprehur Mustafa në Vushtrri, me rastin e shënimit të 26-vjetorit të degës së Lidhjes Demokratike të Kosovës në këtë komunë..

Mustafa përmendi edhe Asociacionin e Komunave Serbe dhe Demarkacionin me Malin e Zi, ku tha se nuk mund të jenë arsye që të ushtrohet dhunë mbi institucionet e Kosovës.

Për demarkacionin tha se nëse ka pas ndonjë gabim ai do të korrigjimet, por nga ekspertet dhe jo nga rruga.