Mustafa nuk flet për zgjedhjen e presidentit

Kryeministri i Kosovës Isa Mustafa nuk ka dashur të flasë për mbajtjen e seancës për zgjedhjen e presidentit të Kosovës.Mustafa po ashtu nuk ka folur as për situatën politike në vend pavarësisht pyetjeve të gazetarëve që ia kanë bërë gjatë vizitës që ai ka bërë në Panairin e Punës që është hapur sot në Prishtinë.

Me këtë rast Mustafa theksoi rëndësinë e punësimit në vend dhe inkurajoi bizneset për punësimin e të rinjve.
“Punësimi i i 500 të rinjve në këtë panair nga 40 kompani ka rëndësi të madhe. Qeveria është e përkushtuar punësimin dhe kjo do të vazhdoi edhe më tej”, tha Mustafa.

Edhe kryetari i Odës Ekonomike Amerikane Arian Zeka ka vlerësuar lart punësimin e të rinjve dhe i inkurajoi ata që të shprehin interesim në këtë panair./indeksonline/