Mustafa, nuk do të bëjmë problem për ulëset

Lideri i LDK-së, Isa Mustafa ka thënë se në rast se deputetët e PDK-së ulen në ulëset qendrore, blloku opozitar nuk do të bëjë asnjë problem që do të destabiloznte punën e Kuvendit.

“Edhe nëse rrimë në këmbë ashtu do të qëndrojmë por assesi nuk do ta bëjmë problem uljen, i cili probleme kishte më vënë në pyetje stabilitetin e Kuvendit. Ne do të kërkojmë që zonja Brovina t’i përmbahet kushtetutës, Rregullores së Punës së Kuvendit dhe vendimeve të Kryesisë së Kuvendit. Në qoftse devijon, ka përgjegjësit edhe ligjore edhe kushtetuese”, është shprehur Mustafa.

Ai ka thënë se sot kanë biseduar me përfaqësuesit e subjekteve politike serbe dhe se është vërejtur një vullnet tek këta përfaqësues që ata të jenë pjesë e pushtetit.