Mustafa: Kuvendi e bëri punën e mirë politikisht dhe profesionalisht

Gjilan – Qemajl Muatafa tha se edhe në këtë mandat, sikur edhe më parë, në qendër të trajtimit tonë ishte qytetari i ynë pa dallim nga prejardhja e tij qoftë ajo politike, etnike, fetare ose tjetër. Qartësia profesionale që erdhi nga drejtoritë dhe sektorët e komunës dhe sidomos qasja e duhur politike e jona në këtë kuvend duke i dhënë mundësi të veçantë debatit të hapur që ishte debat plotësisht parlamentar dhe tolerant na ka bërë të gjithëve që të krenohemi me punën tonë. Jemi shembull i veçantë në Kosovë dhe tashmë kjo është e njohur. Thënë ndryshe, ne këtu në Gjilan i kemi qëndruar besnikë betimit të dhënë në fillim të mandatit e që ishte zotimi për angazhim të mirë dhe krijim të kushteve për punë normale tha Mustafa.

Kreu i Komunës Qemajl Mustafa duke analizuar punën e Asamblesë Komunale dhe punën e këshilltarëve komunal për rajonipress e ka vlerësuar pozitivisht tërë angazhimin e mirë dhe profesional të të gjitha trupave të Kuvendit. “Kuvendi ka bërë një punë të mirë edhe politikisht edhe profesionalisht. Kjo punë e përbashkët dhe përkushtim i yni na ka bërë respekt secilit prej nesh veç e veç, u ka bërë respekt familjeve dhe organizimeve tona politike , por më së shumti u ka bërë respekt qytetarëve të komunës – pra, komunës tonë të mirë e të bukur” tha Mustafa.

Mustafa thotë se me angazhimin e këshilltarëve komunal që të nisim procese, të analizojmë e debatojmë për këto procese në trupat e kuvendit dhe në këtë kuvend e sidomos me angazhimin që vendimet e kuvendit të jenë sa më të qëndrueshme dhe plotësisht në dobi të qytetarëve të komunës, kemi dëshmuar se jemi shoqëri e cila është pjekur në një masë të mirë dhe është e gatshme që të sfidohet me punë e me vendime edhe më të mëdha e më të rëndësishme politike e zhvillimore për komunën.

Muatafa tha se edhe në këtë mandat, sikur edhe më parë, në qendër të trajtimit tonë ishte qytetari i ynë pa dallim nga prejardhja e tij qoftë ajo politike, etnike, fetare ose tjetër.“Qartësia profesionale që erdhi nga drejtoritë dhe sektorët e komunës dhe sidomos qasja e duhur politike e jona në këtë kuvend duke i dhënë mundësi të veçantë debatit të hapur që ishte debat plotësisht parlamentar dhe tolerant na ka bërë të gjithëve që të krenohemi me punën tonë. Jemi shembull i veçantë në Kosovë dhe tashmë kjo është e njohur. Thënë ndryshe, ne këtu në Gjilan i kemi qëndruar besnikë betimit të dhënë në fillim të mandatit e që ishte zotimi për angazhim të mirë dhe krijim të kushteve për punë normale”.

Mustafa mendon se Asambleja Komunale e ka përmbyllur me sukses misionin dhe punën e tij.“Jam i bindur se ky mision është përmbyllur plotësisht me sukses dhe për këtë sukses duhet falënderuar subjektet tuaja politike. Nuk ka munguar as angazhimi im dhe i drejtorëve, menaxherëve dhe të gjithë të punësuarve që t’i japim hov zhvillimit të shpejtë të komunës në të tri fushat e qeverisjes pra, edhe ne administratë , edhe në arsim e shëndetësi ka dhënë rezultate të dukshme e të veçanta”.

Sipas kreut të komunës pjesë dhe kontribut i këtij procesi është e tërë shoqëria e komunës. “Patjetër dhe sinqerisht i falënderojë për kontributin e madh që dhanë të gjithë ata që e përkrahën komunën edhe gjatë këtij mandati e ata janë Qeveria e Kosovës dhe donatorët e shumtë që komuna i pati dhe i ka e që janë qeveritë e vendeve evropiane, të SHBA dhe botës”.

Mustafa tha se krejt kjo nuk do të shkonte më së miri po të mos ishin të gjithë akterët e tjerë të shoqërisë së komunës të cilët e ndihmuan shumë qeverisjen tonë dhe punën e KK.“Policia e Kosovës e cila bashkë me KFOR – in amerikan bëri të gjitha angazhimet për të krijuar ambient të sigurt për punë dhe komunikim normal ndërnjerëzor, ndërpolitik, ndëretnik e ndërfetar. Falënderojmë angazhimet e shoqërisë civile e cila i dha një kontribut të mirë zhvillimit të komunës dhe të këtij kuvendi, qoftë me projekte të veçanta sektoriale për zhvillim, qoftë me monitorimin e punës tonë në qeverisjen, por edhe të punës së kuvendit”. /rajonipress/