Mustafa: Kosova s’ka përfituar asgjë nga marrëveshja e Ohrit

Ish-kryeministri Isa Mustafa ka thënë se marrëveshja mes Kosovës dhe Serbisë, e arritur të shtunën në Ohër të Maqedonisë Veriore, ka një porosi të qartë të paqes se assesi nuk është zgjidhje e statusit të Kosovës me njohje reciproke “ashtu siç kemi qenë duke shkuar përpara në dialog”.

Sipas tij, dokumenti krijon një shpresë që mund të kemi paqe në rajon e që është e domosdoshme.

Megjithatë, ai u shpreh se dokumenti fare nuk do ta çojë përpara Kosovën.

“Me këtë marrëveshje është evituar rreziku për destabilizim të veriut, por Kosova s’ka përfituar asgjë sa i përket nevojave të saj për dialog, por ai është shtyrë edhe për 7-8 vjet tjera”, theksoi ai në Kanal 10.