Mustafa: Kosova duhet të anëtarësohet në organizatat ndërkombëtare

Kryeministri Isa Mustafa me anë të një postimi në rrjetin social “Facebook” ka deklaruar se Kosova duhet të jetë e barabartë në të gjitha instancat ndërkombëtare.

Ai ka thënë se qytetarët e Kosovës meritojnë të fitojnë lirinë e qarkullimit pa ndonjë kufizim.

Ndër të tjera Mustafa ka potencuar edhe arritjet historike të vendit si rezultat i përkrahjes ndërkombëtare./Zeri

Postimi i plotë i Kryeministrit:

Kemi shume pune per te bere. Kosova duhet te anetaresohet ne organizatat nderkombetare, te behet subjekt i barabarte ne vendim-marrjen boterore dhe te perfitoje nga keto vendime. Qytetaret e Kosoves meritojne te fitojne lirine e qarkullimit, pa kufizim me regjim vizash, si nje e drejte themelore per zhvillim, arsim dhe prosperitet. Pavaresia e Kosoves duhet te njihet edhe nga pese vende te BE-se ; na nevojitet perkrahja edhe per shume njohje tjera. Zhvillimi me i shpejte ekonomik mund te behet vetem mbi leva te bashkepunimit politik dhe diplomatik me vendet e tjera, te shtetit qe bazohet ne ligj dhe ne rregulla te demokracise. Jane keto ceshtje, te cilat nuk mund t’i bejme vet, per te cilat na nevojitet perkrahja e perhershme dhe mirekuptimi nga SHBA, vendet e BE-se dhe shume vendeve tjera.

Te arriturat historike ne ndertimin e shtetit tone, si rast i vecante, jane Rezultat i perkrahjes se fuqishme, para se gjithash, nga SHBA. Edhe proceset te cilat tani po i zhvillojme po i bashkerendisim me SHBA-te dhe BE- ne. Kjo eshte e vetmja rruge e cila na qon perpara, eshte rruga, te cilen e kane perkrahur qytetaret e Kosoves me shumicen dermuese te votes se tyre.