Mustafa: Kemi një eksport jo të lakmueshëm

Kryeministri i Kosovës Isa Mustafa, ka thënë Kosova ende nuk ka një eksport si do të duhej ta kishte. Megjithëkëtë, në konventën e parë të drurit, i pari i ekzekutivit ka vlerësuar se në Kosovë ka prodhues tejet të mirë.

“Mendoj se është një objektiv i qëlluar ta rrisim konkurencën. Ne kemi ende një eksport jo të lakmushëm”, ka deklaruar ai, përcjell Zëri.info.

Tutje, kryetari i LDK-së ka thënë se është befasuar nga puna e disa kompanive në Kosovë.

“Kemi prodhues të përparuar dhe po tregohen shumë të suksesshëm. Une kam vizituar shumë kompani, jam befasuar me punën e tyre”, ka shtuar ai.

Sipas kryeministrit, mundësitë që kompanitë kosovare të gjenden në tregun evropian janë shumë të mëdha.

Ndërkaq, Hashim Deshishku, kryetar i shoqatës së përpunuesve të drurit, ka thënë se ky sektor ka dëshmuar që është i përshtatshëm për tregun.

“Ky sektor ka dëshmuar se është i përshtatshëm për tregun e jashtëm”, është shprehur ai./Zëri.