Mustafa: Kemi arsye të kërkojmë votën e qytetarëve edhe për një mandat

Gjilan – PDK në mandatet qeverisëse ka dëshmuar angazhim dhe përkushtim të madh në zhvillim të komunës së Gjilanit, prandaj Partia Demokratike e Kosovës, me kandidatin e saj për kryetar komune dhe kandidatët për këshilltar komunal ka përparësi dhe arsye të dal para qytetarëve të komunës për të kërkuar besimin edhe në këto zgjedhje ka thënë Qemajl Mustafa.

Pas zyrtarizimit të kandidatit për Kryetar të Komunës Qemajl Mustafa dhe kandidatëve për këshilltarë komunal, Kryesia e Degës së Partia Demokratike të Kosovës në Gjilan në mbledhjen që pati të mërkurën, diskutoi rreth përgatitjeve të Shtabit Zgjedhor të degës i cili do të jetë i ndarë në sektore të rëndësishme që do të marrë përgjegjësi dhe detyra që PDK në Gjilan të dal me rezultate fituese edhe në zgjedhjet e nëntorit.

Në këtë takim kandidati i PDK-së për kryetar komune Qemajl Mustafa tha se PDK, është parti e konsoliduar mirë dhe se me angazhimin e të gjitha strukturave, dhe të Shtabit Zgjedhor të degës do të dalim fitues. “PDK në mandatet qeverisëse ka dëshmuar angazhim dhe përkushtim të madh në zhvillim të komunës së Gjilanit, prandaj Partia Demokratike e Kosovës, me kandidatin e saj për kryetar komune dhe kandidatët për këshilltar komunal ka përparësi dhe arsye të dal para qytetarëve të komunës për të kërkuar besimin edhe në këto zgjedhje”ka thënë Mustafa.

Kurse kryetari i Degës së PDK-së në Gjilan Izmi Zekal i cili nga kryesia e degës u zgjodh Shef i Shtabit Zgjedhor, ka thënë se dega e PDK-së në Gjilan me organizimin edhe të Shtabit Zgjedhor në zgjedhjet e kaluara ka dëshmuar se është parti e organizuar mirë dhe parti lidere e cila për shumë palë zgjedhje ka dalë fituese, prandaj edhe në Zgjedhjet e 3 nëntorit do të shënoj fitoren e radhës./rajonipress/