Mustafa: Jemi duke punuar për riformatimin e Qeverisë

Kryeministri i Kosovës, Isa Mustafa, ka thënë se bashkë me partnerët e koalicionit janë duke punuar për riformatimin e Qeverisë. Por, kreu i ekzekutivit nuk ka treguar ndonjë datë se kur mund të ndodhë kjo, raporton “Zeri.info”.

“Ne jemi duke punuar së bashku me partner koalicioni dhe të shohim se çfarë mund të bëjmë në fokusimin e kësaj qeverie në mënyrë që të kemi një qeveri më të fokusuar më të ngushtë dhe më pak ministri që kemi tani dhe të cilat janë ministri në të cilat do të bëjmë ndërrimin. Unë mendoj se nuk do ta zgjasim shumë, sot nuk mund të flas për afatet por ju them se jemi duke punuar”, ka deklaruar Mustafa./Zeri.