Mustafa i pari në mesin e kryetarëve të Komunave të Kosovës që komunikon me qytetarët në Tweetr

Gjilan – Kryetari Mustafa u përgjigj në të gjitha pyetjet, duke thënë se Komuna ka kapacitete për zbatimin e këtij ligji, por megjithatë edhe vet qytetarët janë monitorues të zbatimit të tij.

Komuna e Gjilanit dhe projekti i UNDP-së “Mediat sociale për fuqizim inovativ lokal” shënojnë Ditën Botërore Kundër Pirjes së Duhanit, duke bashkëbiseduar me qytetarë për “TweetChat me Kryetarin e Komunës Qemajl Mustafën”, Kundër DuhanitGl.

Mjellma Doli zyrtare e këtij projekti tha se kryetari i Komunës së Gjilanit është i pari prej kryetarëve të Komunave të Kosovës, që sot përdori këtë formë bashkëkohore të komunikimit me bisedën online në TweetChat, për Ditën Botërore Kundër Pirjes së Duhanit, duke filluar nga ora 16:00 deri në orën 17:00.

Të interesuar ishin një numër i madh i qytetarëve, të cilët biseduan me kryetarin drejtpërdrejtë përmes rrjetit social të cilët u interesuan rreth pirjes së duhanit, ligjit të miratuar nga Kuvendi i Kosovës, gjobat për personat që nuk e respektojnë ligjin etj.

Kryetari Mustafa u përgjigj në të gjitha pyetjet, duke thënë se Komuna ka kapacitete për zbatimin e këtij ligji, por megjithatë edhe vet qytetarët janë monitorues të zbatimit të tij.

Në fund kryetari i Komunës ka falënderuar qytetarët që ishin në numër të shumtë, të cilët ishin bashkëbisedues për zbatimin e ligjit kundër pirjes së duhanit në vendet publike./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).