Mustafa emëron katër drejtor të rinj në shkollat e Gjilanit

Gjilan- Qemajl Mustafa ka emëruar drejtorët e rinj : Nehat Salihu në shkollën e mesme bujqësore, Avni Behlulin në shkollën e mesme të arteve , Kushtrim Jakupin në shkollën e muzikës dhe në shkollën fillore në lagjen e dytë, Ruhon Zymberin.

Kreu i Komunës Qemajl Mustafa pasi ka emëruar katër drejtor në shkollat e mesme dhe fillore të Gjilanit të njëjtit i ka pritur në një takim të veçantë, ku ju ka uruar punë të mbarë duke kërkuar prej tyre që të angazhohen maksimalisht që të ngrisin nivelin e cilësisë në mësim dhe nivelin e përgjegjësisë dhe disiplinën në shkolla.

Mustafa ndryshe ka emëruar katër drejtor në këto shkolla: Nehat Salihu në shkollën e mesme bujqësore, Avni Behlulin në shkollën e mesme të arteve , Kushtrim Jakupin në shkollën e muzikës dhe në shkollën fillore në lagjen e dytë, Ruhon Zymberin.

Mustafa ka thënë se arsimi mbetet prioritet i qeverisjes lokale dhe është i interesuar që kjo sferë të jetë e shëndoshë dhe e avancuar në të gjitha segmentet. “Ne jemi munduar që t`i krijojmë kushte dhe të investojmë në infrastrukturën shkollore dhe në objektet moderne. Dhe këtë e kemi bërë aq sa na kanë lejuar mundësitë tona buxhetore edhe pse për arsimin kurrë nuk është mjaftueshëm” është shprehur Mustafa.

Edhe drejtori i arsimit në Gjilan Bujar Nevzati tha se beson se drejtorët e rinj do të jenë në nivel të përgjegjësive të veta profesionale e menaxheriale./rajonipress/