Mustafa: Ekziston një klimë e mirë në popull për PDK dhe një atmosferë e dobët për partitë që po qeverisin me komunën

Gjilan – Në takimet e shumta që ka realizuar kreu i PDK-së Qemajl Mustafa me nëndegë, aktivist dhe qytetar e shoqëri civile thotë se ka marrë mbështetje për të kryer punët e mëdha për Gjilanin. Konstatuam që po krijohet momentumi i favorshëm për PDK të cilin duhet shfrytëzuar me punë e me komunikim të mirë me secilin qytetar e secilën familje ka thënë Mustafa para nëndegëve të Cërrnicë e Velekincës.

“Velekinca, është njëra nga nëndegët më të organizuara në degën e Gjilanit. U takuam dhe përveç urimit të ndërsjellë për procesin zgjedhor, më shumë folëm për punën që na pret në terren dhe për klimën e mirë që dominon në popull për PDK dhe atmosferën e dobët te subjektet që po e qeverisin keq komunën. Konstatuam që po krijohet momentumi i favorshëm për PDK të cilin duhet shfrytëzuar me punë e me komunikim të mirë me secilin qytetar e secilën familje. I falënderoj të gjithë anëtarët e kryesisë së Velekincës nëpër të gjitha mandatet deri sot. I falënderoj të gjithë aktivistët poashtu. Në mënyrë të veçantë kryetarët Agush Nuhiun, Shemsedin Qerimin dhe Veli Jahiun” ka shkruar Mustafa.

Mustafa ka falënderuar edhe nëndegën e Cërrnicës për përkrahje në teren duke thënë se PDK tash duhet të punojë dhe përgatitet për sfidat e radhës. Jeton Sherifi ndërkaq i ka dhënë një dhuratë Mustafës./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).