Mustafa: Do ta mposhtim këtë qeveri

Kreu i Lidhjes Demokratike të Kosovës, Isa Mustafa pretendon se vetëm partia e tij mund të zgjidhë problemin e Mitrovicës dhe problemet tjera që po përballet Kosova.

Mustafa ka shfrytëzuar rrjetin social facebook për të shprehur qëndrimet e tij politike. Madje, ai është i bindur se në zgjedhjet e ardhshme LDK-ja do ta mposhtë qeverisjen aktuale.

“Unë e ndaj bindjen tuaj kur them se Kosova ka nevoje sot me shume për Lidhjen Demokratike të Kosovës. Kosova ka nevoje sot me shume për një qeverisje demokratike te Kosovës, për një shtet ligjor dhe një shtet te zhvilluar ekonomikisht i cili do te ofroje perspektive për te rinjtë e Kosovës, i cili do ta zgjidhe problemin e Mitrovicës dhe i cili do ta zgjidhe problemin e ardhmërisë se Kosovës. Ne do ta mposhtim ketë qeveri dhe do ta mposhtim me vote demokratike”, ka thënë Mustafa. /Indeksonline/