Mustafa apelon: Mos e braktisni Kosovën

Kryeministri i Kosovës Isa Mustafa, vazhdon t’ju bëj thirrje qytetarëve të Kosovës që të mos migrojnë ilegalisht. Ai ka deklaruar të shtunën se institucionet e vendit janë të përkushtuara që të angazhohen me gjithë potencialin që kanë, në mënyrë që të krijohen kushte me të mira jetese.

Kryeministri Mustafa, derisa ka folur në një akademi përkujtimore në Prishtinë, në 18-vjetorin e rënies së Zahir Pajazitit me dy bashkëluftëtarë, tha se do të hapen vende të reja pune në mënyrë që të rinjtë të mos e braktisin vendin e tyre.

“Qytetarët dhe institucionet e Kosovës kanë qenë në gjendje që të dalin fitimtar edhe në shumë situata më të rënda. Kosova do të dal fitimtare edhe në këtë etapë përfundimtare të forcimit të shtetit ligjor të funksionimit të jetës demokratike dhe zhvillimit ekonomik, që është detyrë e jona kryesore. Ritheksoj se qytetarët e Kosovës nuk duhet të braktisin vendin e tyre”, tha Mustafa.

Edhe zëvendëskryeministri i Kosovës Hashim Thaçi, ka thënë se të gjithë duhet të angazhohen së bashku për interesat madhore të vendit.

“Ajo çka është me rëndësi është që të angazhohemi të gjithë në prioritetet tona zhvillimore, në prioritetet tona që ndërlidhen drejtpërdrejtë me angazhimet për një jetë më të mirë të qytetarëve të Kosovës”, ka deklaruar Thaçi pas homazheve që ka bërë pranë shtatores së heroit Zahir Pajaziti, në Prishtinë.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).