Mustafa: AAK dyert e hapura, AKR nuk do të preket

Gjilan – Qemajl Mustafa thotë për rajonipress se nuk pret ndryshime në skenën politike në Gjilan, pavarësisht se zyrtarët e AAK-së kanë shprehur gatishmëri që të hynë dhe të marrin përgjegjësi edhe në nivelin lokal. Sipas tij AAK mund të marrë postin kryesuesit të Kuvendit, kurse për AKR thotë se po funksiononin mirë si partner.

Mustafa thotë se AAK mund të jetë pjesë e jona sipas propozimit të tyre që kanë qenë shumë praktik. “E kanë kërkuar vetëm kryesuesin e Kuvendit për të na e dhënë përkrahjen edhe me 5 vende në Kuvend. PDK nuk ka lëvizur nga pozicioni i saj”.

Por Mustafa ka përjashtuar çfarëdo mundësie që të ketë ndonjë ndryshim apo lëvizje sa i përket partnerit tjetër të koalicionit në Gjilan, AKR-së. “Nuk ka asnjë arsye që të mendohet rreth AKR-së e cila funksionon fort mirë në koalicion me PDK” tha Mustafa.

Por kreu i Gjilanit thotë se nuk mendon se AKR ia lëshon vendin AAK-së në qendër sepse nuk e beson që PDK e largon AKR. “Bëhet reduktim i vendeve të posteve të larta për partnerët në koalicion dhe i bëhet vend meritor AAK-së, së paku kjo është ideja ime”.

Mustafa mendon se nuk do të ketë rritje të ministrive kurse për PDK thotë se e ka rastin e mirë që nga vera që shkoi të forcohet me partner shtesë në Kuvend. “Por ajo këtë nuk po e shfrytëzon për teke të ndonjë individi e që reflekton plogështi të degës në Gjilan për tu marrë seriozisht me problemin ose më mirë të themi për t`u marrë seriozisht me politikën e komunës” tha Mustafa./rajonipress/