Musmurati: Vitia më “specifike”, Gjilanin nuk e kemi problem

Gjilan – Basri Musmurati koordinator për zgjedhjet në PDK tha për rajonipress se ka përafrim të qëndrimeve në degën e Vitisë. Unë jam i sigurt se para zgjedhjeve edhe dega e PDK-së në Viti do të jetë unike. Për Gjilanin thotë se nuk e kanë problem , meqë atje fitorja është e sigurt.

Basri Musmurati nuk e pranon faktin se në degën e PDK-së në Viti ka mospajtime të mëdha e të thella. Madje sipas tij atje ndonëse është një nga degët më specifike, dega e PDK-së është unike dhe po punon e po përgatitet për zgjedhjet e ardhshme.

Musmurati koordinator në PDK tha për rajonipress se jemi të interesuar që t`i ulim bashkë edhe Daut Xhemajlin edhe Nexhmedin Arifin. “Kohëve të fundit ka një përfarim të tyre dhe gjasat janë shumë reale që para zgjedhjeve të dalim unik edhe me degën e Vitisë” tha Musmurati, raporton rajonipress.

Musmurati e pranon faktin se dega e PDK-së në Viti është më specifike. “Realisht nga kryesia qendrore nuk jemi përzier shumë me problemet e brendshme të Vitisë sepse ka kundërshtime dhe këto kanë qenë normale për PDK dhe të pritura” tha ai.

Sipas Musmuratit deri më 20 gusht PDK-ja në nivel vendi pritet të bëjë publike të gjithë kandidatët e saj për kryetar komunash.

Ndryshe sipas tij në Gjilan për dallim nga Vitia nuk presin telashe. “Gjilani është i fort dhe atje punët janë më ndryshe. Në Gjilan nuk kemi probleme për fitore sepse ajo është e sigurt meqë janë bërë punë të mira e të mëdha” tha Musmurati.

Musmurati nuk deshi të komentoj polemikat mes Zenun Pajazitit e Qemajl Mustafës. “Edhe në Gjilan do të jemi unik dhe edhe më të bashkuar bile” tha shkurt Musmurati./rajonipress/