Musliu takoi kryetarin e komunës së Gjilanit Lutfi Hazirin

Në selinë e Këshillit Kombëtar Shqiptar (KKSH), kryetari Jonuz Musliu, u takua me kryetarin e komunës së Gjilanit, Lutfi Haziti, gjatë një vizitë që i bëri Luginës së Preshevës.

Gjatë takimit është diskutuar për mbrojtjen e të drejtave të shqiptarëve dhe avancimin e tyre konformë standardeve ndërkombëtare dhe praktikave më të avancuara rajonale. Duke vënë theksin në çështjet e arsimit, kulturës, informimit dhe përdorimit zyrtarë të gjuhës dhe shkrimit shqip, sikur dhe çështjet me rëndësi të veçantë për shqiptarët e Preshevës, Bujanocit dhe Medvegjës.

Tema e veçantë ishte edhe qytetarët e pa dukshëm juridikisht, përkatësisht banorë të Luginës së Preshevës që për shkak të procedurave diskriminues me pasivizimin e vendbanimeve e që po i mohohet dokumentacioni personal dhe njëkohësisht nuk po munden të sigurojnë as edhe dokumentet nga Republika e Kosovës.

U akorduan që bashkërisht për gjitha tema të rrisin angazhimin dhe intensifikojnë përpjekjet për t`i zgjidhë çështjet konkrete e posaçërisht për pajisjen me dokumentacion të të gjithë shqiptarëve që jeton qoftë në Kosovë qoftë në Luginën e Preshevës./rajonipress/