Musliu: Po shkelen parimet demokratike në policinë lokale

Kryetari i Këshillit Kombëtar Shqiptarë, Jonuz Musliu, ka kritikuar qeveritarët në Beograd për mospërfshirjen e shqiptarëve në policinë lokale në Luginë të Preshevës.

Musliu, ka thënë se po shkelen parimet demokratike dhe se përfaqësimi në policinë lokale do të duhet të jetë krahas strukturës nacionale të popullatës, shkruan Titulli.com.

Fatmir Hasani, deputet i vetëm shqiptarë në parlamentin republikan të Serbisë, ka kërkuar përfaqësim të shqiptarëve në hierarkinë e policisë sipas meritës dhe përqindjes së popullatës.

Aktualisht në hierarkinë e policisë lokale në Preshevë, krye shefi i policisë është shqiptarë, ndërkohë zëvendësi i tij dhe komandantët e tjerë janë serb. Në Bujanoc, pas largimit të komandantit shqiptarë të policisë e tërë piramida komanduese përbëhet nga epror policor.

Ndërsa në Medvegjë, trupi komandues i policisë lokale me dekada udhëhiqet nga eprorë serb, është vetëm një shqiptarë, komandant i një ministacioni në Banjë të Siarinës./B.Rexhepi/Titulli.com/