Musliu në Tiranë kërkon rritjen e kuotës për studentë

Kryetari i Këshillit Kombëtar Shqiptar Jonuz Musliu ka realizuar disa takime ne Tiranë me zyrtarët e lartë të Ministrisë e Arsimit të Republikës së Shqipërisë, ku është interesuar për së afërmi rreth pranimit të studentëve nga Lugina e Preshevës si dhe sfidat tjera të arsimit që tashmë janë ridiskutuar.

Kryetari Musliu ka kërkuar që kuotat e ndarë për Trojet nga Universitetet shtetërore të Republikës së Shqipërisë, përkatësisht kuota e ndarë për studentët nga Presheva, Bujanoci dhe Medvegja e që gravitojnë Shqipërinë për studime të rritet. Ndërkaq sa i përket kësaj teme është dakorduar që paraprakisht të dërgohen preferencat e studentëve në ardhje nga Presheva, Bujanoci dhe Medvegja përmes Këshillit Kombëtar Shqiptar.

Gjithashtu, në këto takime është diskutuar edhe për çështjen e të diplomuarve nëpër universitetet e Shqipërisë, çka është theksuar se shteti Shqiptar do të angazhohet përmes diplomacisë që Diplomat universitare të përfituar në Shqipëri të nostrifikohen në Serbi pa pagesë dhe pa pengesa.

Vlen të theksohet se në takim kryetari Musliu ka hasë në mirëkuptim sa i përket kërkesës për trajnimin e mësimdhënësve në lëndët specifike në kuptimin e metodikës dhe mësimdhënies, puna me librat e rinjë të cilët tashmë janë në përdorim në Luginën e Preshevës thuhet në njoftimin e Shërbimit për informim të KKSH-së./rajonipress/