Musliu mirëpret përfaqësuesit e Kuvendit të Rinjëve të Kosovës

Kryetari i Këshillit Kombëtar Shqiptar (KKSH), Jonuz Musliu, priti në selinë e këtij institucionin, në një takim, një grup të rinjsh nga Kuvendi i të Rinjve të Kosovës i kryesuar nga kryetarja Deniza Limani.

Iniciativën e Kuvendit të Rinjëve të Kosovës për ta vizituar Luginën e Preshevës dhe për të u informuar për së afërmi me situatën politike, sociale, ekonomike të shqiptarëve është mirëprituar nga kryetari Musliu dhe njëkohësisht ka shprehur gatishmërinë e Këshillit Kombëtar Shqiptar që nismat e tilla mbështet me gjithë kapacitetin që ka.

Gjithashtu, gjatë takimit është diskutuar për mundësit e bashkëpunimit në mes përfaqësuesve të Kuvendit të Rinjëve të Kosovës dhe të rinjëve në Luginën e Preshevës që në perspektivë do të nxiste komunikimin e drejtpërdrejtë dhe ngritjen e iniciativave të përbashkëta.

“Për ne është jetike që të rinjët e Luginës së Preshevës mos të ndihen inferior ndaj iniciativave rajonale dhe të jenë doemos të përfshirë në to. Mbështetja nga Këshilli Kombëtar Shqiptar nuk ka munguar dhe nuk do të mungojë brenda mundësive dhe kompetencave që ushtron” theksoi kryetari Musliu.

Vlen të theksohet se përfaqësuesit e Kuvendit të Rinjëve të Kosovës është përcjellur nga organizata kulturore-humanitare “Shpresa” nga Bujanoci./rajonipress/