Mushmolla – pema që ka ‘ikur’ nga tryeza jonë, pa të drejtë

Mushmolla me të drejtë po kthehet në tryezat tona shkaku i përbërësve ushqyes dhe të shëndetshëm, e sidomos për faktin se ndikon fort kundër inflamacioneve. Me shekuj të tërë përdoret te problemet me tretjen, eliminon fryrjet, inflamacionet në lukth dhe zorrë.

Është laksativ i fortë natyral. Shkaku i efektit kundër viruseve dhe antibakterial, ndihmon edhe në zbutjen e inflamacioneve të bajameve dhe organeve të frymëmarrjes. Kjo pemë përmban proteina, karbohidrate, taninë, pektinë, acide organike.

Është e pasur edhe me vitamina C, si dhe vitaminat nga grupi B. Është burim për kalium, kalcium, hekur dhe magnez. Pektina e pranishme në këtë pemë ndihmon në uljen e kolesterolit, përmirëson punën e zorrëve, parandalon kapsllëkun dhe ndihmon në shërimin e proceseve të ndryshme inflamatore. Mushmolla e gjelbër njihet për faktin si preparat i shkëlqyeshëm kundër afteve në gojë. Edhe farat e mushmollës kanë veti shëruese. Të tretura në ujë përdoren në formë të kompresave që shërojnë lëndimet në lëkurë.

(Kosova Sot)