Mushkolaj zgjidhet kryetar i bordit të KMShK-së
Në mbledhjen e sotme të Këshillit të Mediave të Shkruara të Kosovës (KMShK) , përveç shqyrtimit të ankesave të palëve të ndryshme në lidhje me raportimet në media, është zgjedhur edhe udhëheqësia e re e Bordit.
Kryetar i ri i KMShK-së u zgjodh Imer Mushkolaj, nënkryetar i gjertanishëm i Bordit, ndërsa Anamari Repiq dhe Muharrem Nitaj u zgjodhën në postin e nënkryetarit.
KMShK falënderoi përzemërsisht prof. Ibrahim Berisha, kryetarin e gjertanishëm të KMShK-së, i cili u tha se përfundoi një mandat të suksesshëm në këtë Këshill.