Muriqit mund t’i bashkohet Pajtim Kasami në Fenerbahçe

Fenerbahçe duket se është dashuruar pas futbollistëve me origjinë shqiptare. Sulmuesi Vedat Muriqi nënshkroi me klubin turk para disa ditësh, ndërsa tani mund të jetë radha e një shqiptari tjetër.

Mesfushori Pajtim Kasami mund t’i bashkohet Fenerit në Turqi. Ai e mbylli sezonin me Sionin në Zvicër, ndërsa ka qenë ndër liderët e ekipit.

27-vjeçari ka një karrierë të suksesshme dhe të gjatë, pasi ka luajtur dhe me kombëtaren e Zvicrës, por dhe ekipe si Fulham në Premier League, Palermo në Itali, apo dhe Olimpiacos në Greqi.

Sirenat turke kanë rënë për të dhe mesfushori me shumë mundësi do të pranojë transferimin.