Muriqi barazon rezultatin për Kosovën
RajoniPress
15:54, 7 Shtator, 2019
Kosova e ka barazuar rezultatin 1:1 në ndeshjen kundër Republikës Çeke, e cila po zhvillohet për momentin në stadiumin “Fadil Vokrri” në Prishtinë, në kuadër të kampanjës kualifikuese për Kampionatin Evropian 2020.
Në minutën e 20-të të ndeshjes, Vedat Muriqi e barazoi rezultatin, përmes një kundërsulmi të shpejtë, raporton Gazeta Express.
Muriqi ka shfaqur formë mbresëlënëse edhe me Fenerbahcen së fundi, duke i shënuar tri gola në tri ndeshje.
Kjo ndeshje ka rëndësi të madhe për Kosovën pasi që Republika Çeke konsiderohet rivali i drejtpërdrejtë për kualifikim në EURO, përkundër që “Dardanëve” u mbetet edhe mundësia e kualifikimit përmes play-offs të Ligës së Kombeve.
Kosova është e pamposhtur që 14 ndeshje me radhë, që nga nëntori i vitit 2017, derisa Çekia s’dinë për barazim që 20 ndeshje; 11 fitore, 9 humbje. /Gazeta Express/
