Murati: Diasporës më nuk do t’i thuhet të investojë në Kosovë…

Ministri i Diasporës, Valon Murati, thotë se ka ardhur koha që diasporës të mos i thuhet më se duhet të investojë në Kosovë, sepse këtë ia ka borxh vendit.
Ai thotë se diaspora do të ftohet të investojë në Kosovë, sepse në këtë mënyrë do të përfitojë edhe Kosova edhe diaspora.

“Ne nuk duhet të themi veç të themi se keni borxh ndaj Kosovës. Do të themi ejani dhe investoni sepse do të fitojmë të dy palët”, ka thënë Murati në emisionin Rubikon të KTV’së.

Ai ka thënë se Ministria e Diasporës, planifikon që të bëjë një selektim të storieve më të suksesshme të investimit në Kosovë.

“Ne planifikojmë ta bëjmë një ndarje të këtyre investuesve që ta bëjmë një selektim se cilat janë storiet e suksesshme të investimit në Kosovë”, ka thënë ai.

Murati ka thënë se diasporës duhet t’i jepen oferta për investime në Kosovë.

“Duhet ta trajtojmë diasporën tonë edhe në momentin kur bëjmë një ofertë për të investuar në Kosovë”, thotë ai.

Murati thotë se duhet bërë edhe statistikat e veçanta të gjithë punës që ka bërë diaspora në Kosovë, e jo gjithmonë të flitet me statistika të përgjitshme.

“Duhet të identifikojmë se sa ka ndikuar diaspora në vendin tonë. Në të gjitha statistikat që i ka qeveria e institucionet, kanë statistika të përgjithshme por kurrë nuk është ditur saktësisht se çka është investuar”, ka thënë Murati.