Murat Jashari: Arrestoni të korruptuarit

Përfaqësuesi i familjes Jashari, Murat Jashari, i ka quajtur përpjekje të dëmshme proceset ndaj ushtarëve dhe eprorëve të UÇK-së.

Ai ka thënë për Epokën e re, se përpjekjet e tilla kanë dështuar dy herë në Hagë, me rastin e Ramush Haradinajt dhe Fatmir Lima.

Jashari ka thënë se nuk duhet të ndiqet lufta e kauzës për liri, por të korruptuarit, kontrabandistët e keqbërësit, transmeton Indeksonline.

Me arrestimet e ish luftëtarëve të UÇK-së, Jashrai ka thënë se janë duke u dëmtuar shteti dhe kombi shqiptarë.

Ai thotë se shteti është dashur të ketë qasje institucionale në mbështetje të drejtësisë, pasi nuk mjaftojnë deklaratat “besojmë në drejtësi”.