Mulla Nusret Hajdari
Teksti, muzika dhe interpretimi : Demir Krasniqi
Muaj Qershor ’99 –
N’ Dobërçan soll vaj e gjëmë !
Ishte data 13 Qershor –
Atë ditë ranë këtu dy dëshmorë !
Ditë e shenjtë , o , 13 Qershori –
N’ Dobërçan , o, na ra dëshmori !
Mulla Nusret Hajdari , imam i xhamisë –
Iu ka bërë , o , kurban lirisë !
Urojnë shqipet nga çdo anë –
Lum familja , o, për atë nënë !
Lum për Zotin , çka ka qitë n’ dritë –
Lum për nënën , o, çka ka rritë !
N’ Dobërçan , o , kish ardhë kauri –
Vrasje e krime s’i ndalej turri !
Bënte terror mbi shqiptarë –
Toka e shpija , o , me ua marrë !
Vijnë kaurët si bishë e egër –
E djegin xhaminë e Epër ,
Që n’ Kosovë ishte ma e vjetër ,
Këso xhamie s’ kishte tjetër !
Hoxhë Mulla Nusret Hajdari –
Rrënjët i kishte nga Qarri ,
Kishte zemër atdhetari ,
Kishte shpirt , o , besimtari !…
Kishte gjak trimi shqiptari ,
Prijatar , o, flamurtari !…
Imam n’ xhami t’ Dobërçanit –
Shëmbëlltyrë në rreth t’ Gjilanit !
Shëmbëlltyrë e Dardanisë –
Që iu bë kurban lirisë !
Për lirinë e Kosovës –
Ra dëshmor si burrë i botës !
Gjilan, më 14. 06. 2019 .
Demir Krasniqi