Uji Dea

Mujo Ulqinaku – hero i popullit

/ 2 minuta lexim

Teksti, muzika dhe interpretimi: Demir Krasniqi

Fluturojnë anë e mbanë bylbylat e Gollakut –
Dhe ia këndojnë një këngë Mujo Ulqinakut !
Mujo Ulqinaku , që shumë e kanë dashtë –
U lind në Ulqin më 1896 !

Mujo Cakuli, i njohur si Mujo Ulqinaku ,
Shtati i tij shkëlqente porsi shtyllë bajraku !
Ishte oficer i Ushtrisë Mbretërore Shqiptare –
Luftonte armikun kudo ta qes fare !

I njohur për rezistencën e tij , ndaj pushtimit italian –
Ra dëshmorë më datën 7 Prill 1939 !
Gjatë pushtimit italian të Shqipërisë , ra dëshmorë dhe u flijua –
dhe pas vdekjes – Hero i Popullit u nderua !

U lind në Ulqin , më 1896 –
Në një familje t’ vjetër , që shumë e kanë dashtë !
Në një familje t’ ndershme ulqinake qytetare –
Të cilët ishin pronarë vendlindjesh detare !

Që në moshë të re hyri në Ulqin si ndihmëtar ,
dhe më vonë punoi në Shkodër dhe në Lezhë si detar !
Në Durrës , si nënoficer në një nënrepart të marinës –
Ditën e agresionit fashist italian kundër Shqipërisë !

U vu n’ krye t’ detarëve t’ braktisur nga oficerët tradhtarë ,
Dhe organizoi me ta e me të tjerë vullnetarë ,
Qëndresën e armatosur në portin e Durrësit me e kallë –
Mujo Ulqinaku luftoi me trimëri e guxim të rrallë !

UBT

Duke vrarë e plagosur dhjetëra fashistë , n’ luftë të zjarrtë –
Në mbrojtje t’atdheut ra në luftim të pabarabartë !
Në Durrës , më 7 Prill 1939, ra dëshmorë lirie –
Duke u bërë shembull i lartë patriotizmi e atdhedashurie !

Pas luftës , Mujo Ulqinaku i kushtohet busti –
I vendosur pranë kullës së kalasë së Durrësit !
Emrin e tij e mbajnë një shkollë në Durrës dhe çdo anë –
Një rrugë në qytetin Fier dhe një në Tiranë !…

Që nga viti 2005 , Kuvendi Komunal solli një vendim të ri –
Një rrugë në Ulqin bartë emrin e tij, plot krenari !
Në vend të emrit që e kishte Ivan Millutinoviq ,
Si dhe një rrugë në Prishtinë , që s’ harrohet hiq !

Në vitin 1979 , në Kinostudion “Shqipëria e Re” –
U filmua dokumentari Lufton Mujo Ulqinaku , plot hare ,
I cili flet për mbrojtjen e tij të Durrësit prej trimërie ,
Emrin e tij e mbajtën edhe disa anije !

Gjilan, 07.04. 2021 vj.

Demir KRASNIQI