Muja: PDK-ja do t’ju tregojë të gjithëve se ku e kanë vendin!

Deputeti i Kuvendit të Kosovës nga radhët e Partisë Demokratike të Kosovës, Shaip Muja, që vjen nga komuna e Drenasit, ka thënë se PDK më 4 dhjetor do t’i fitojë zgjedhjet pa balotazh.

Ai ka deklaruar se PDK’ja po bën garë në Drenas me VLAN-in – Lidhjen Demokratike të Kosovës, Lëvizjen Vetëvendosje, Aleancën për Ardhmërinë e Kosovës dhe Nismën për Kosovën.

Muja ka theksuar për “Epoka e re” se nuk do të ketë luhatje në këtë komunë, pasi qytetarët i besojnë ofertës së PDK’së.

“Balotazhi nuk është as diskutim real në komunën e Drenasit. Më 4 dhjetor PDK’ja do të fitojë bindshëm dhe do t’ju tregojë të gjithëve se ku e kanë vendin”, ka theksuar Muja.