Muherrem Sahiti i cili punon si ndihmës i përzgjedhësit Bernard Challandes te Përfaqësuesja e Kosovës, e ka komentuar formën e jashtëzakonshme të Milot Rashicës te Werder Bremeni, shkruar Zëri.info.
Ylli i Kosovës në 10 ndeshjet e fundit e këtij viti me Werderin, i ka realizuar tetë gola.
“Viti 2019 është viti i Milot Rashicës. Ai i ka realizuar tetë gola në dhjetë ndeshje. Në Werder Bremen po përdoret si sulmueset ashtu sikurse te Kosova”, ka deklaruar Muharrem Sahiti për SuperSport Kosova, përcjell Zëri.info
Kujtojmë se Rashica në ndeshjen e fundit me Kosovën ndaj Bullgarisë i ka humbur disa raste të mira për shënim duke mos e arritur golin.
“Rastet e humbura me Kosovën, Miloti i ka përjetuar shumë rëndë. Shpresoj se do të shënojë edhe me Kosovën”, shtoi Muharrem Sahiti.
Rashica ka realizuar edhe në ndeshjen e fundit ndaj Mainz një gol të bukur.
Ai kontribuoi edhe me një asistim në fitoren 3:1 të Werder Bremenit. /Zëri.info
