Muhamet Mustafa, deputet i LDK-së

Prishtinë – Deputeti i pavarur Muhamet Mustafa sot kaloi në radhët e deputetëve të Lidhjes Demokratike të Kosovës. Mustafa, para se të bëhej deputet i pavarur, ishte deputet nga radhët e AKR-së.Duke njoftuar me këtë vendim të Mustafës, kryetari i Kuvendit të Kosovës Jakup Krasniqi futi konfuzion në sallë tek tha: “Prej sot unë aktivitet e mia si deputet i zhvilloj në radhët e deputetëve të LDK-së”.

Leximi i tillë i vendimit u prit me duartrokitje (nga deputetë të LDK-së), por Jakup Krasniqi duke qeshur e korrigjoi shpejt leximin dhe tha:” Në grupin e deputetëve të LDK –së kalon Muhamet Mustafa dhe unë e lexova njoftimin e tij”.