Muçi shënon dhe fiton penallti për t’i dhënë një pikë Legias – shpallet lojtar i ndeshjes

Ernest Muçi është kthyer te goli me fanellën e Legia Varshavës në ndeshje ndaj Warta Poznan që u mbyll 2-2.

Sulmuesi anësor, Muçi fillimisht fitoi penallti në minutën e 45, që u ekzekutua nga Joseu dhe u kthye në gol.

Legi ishte duke humbur kur në pjesën e dytë gjen rrugën drejt rrjetës dhe barazon për vendasit (2-2).

Ky gol e ndihmoi Legian për të marrë një pikë në shtëpi dhe që pas javës së 16-të renditet në vend të gjashtë me 25 pikë.

Pas kësaj paraqitje shumë të mirë, sulmuesi shqiptar është votuar si lojtar i ndeshjes nga SofaScore me notën 8.4.

Muçi nuk kishte shënua që nga përballja me Aston Villan në Ligën e Konferencës, më 21 shtator./Telegrafi/