Muçi drejt hapit të madh në karrierë, kërkohet nga skuadra londineze

Ernest Muçi është duke kaluar nëpër një formë të shkëlqyer këtë edicion me fanellën e Legia Varshavës.

Sulmuesi i talentuar shqiptar ka shkëlqyer jo vetëm në kampionatin polak, por edhe në ndeshjet e Ligës së Konferencës.

Ylli kuqezi, Ernest Muçi, po kalon një moment të magjishëm në karrierën e tij, është kthyer në lider absolut te Legia, një idhull për tifozët.

Muçi u shndërrua në makth për Aston Villën në Ligën e Konferencës, në dy përballje kundër tyre, reprezentuesi shqiptar i realizoi tre gola, i fundit brenda në ‘Villa Park’ ishte fantastik.

Sipas Fabrizio Romanos, për sulmin e Legias ka shfaqur interesim skuadra londineze Fulham.

Në fakt, Fulham ka shfaqur interesim edhe për Brojën, por kartoni i sulmuesit të Çelsit kushton minimalisht 30 milionë euro, ndërsa Muçi sipas “Transfermarkt” vlerësohet me pesë milionë euro.

Nga ana tjetër mediat polake kanë raportuar se Legia nuk do ta lejoj largimin e sulmuesit shqiptar pa fituar së paku 15 milionë euro.

22-vjeçari këtë edicion ka zhvilluar 30 ndeshje në të gjitha garat, ku ka realizuar nëntë gola dhe ka asistuar në dy të tjerë. /Telegrafi/