“Muaji i mërgatës” të filloj në kohën kur mërgimtarët ndodhen në Kosovë

Gjilan – Nëse “Muaji i Mërgatës” fillon pa prezencën e bashkatdhetarëve tanë, atëherë nuk e di pse do të duhej të quhej “Muaj i Mërgatës” thotë Arta Haziri Nuhiu këshilltare komunale nga radhët e AAK-së.

Nuhiu tha se në mbledhjen e Komitetit për Kulturë, Rini, dhe Sport, pas shqyrtimit të kërkesës nga Klubi Hendbollistik “Zhegra”, si anëtare e këtij komiteti, kam kërkuar që të mbështetet kjo kërkesë duke e vlerësuar si të arsyeshme dhe shumë të nevojshme.

“Poashtu, kam propozuar që “Muaji i Mërgatës” të filloi në kohë të përshtatshme, gjegjësisht në kohën kur mërgimtarët gjinden në Kosovë. Nga vitet e kaluara mësojmë se ky muaj ka nis në kohë të papërshtatshme, kur ende diaspora jonë nuk gjendej e tëra në Kosovë. Në kuadër të këtij muaji, kërkova të kemi më shumë aktivitete për fëmijë”.

Ajo thotës e nëse “Muaji i Mërgatës” fillon pa prezencën e bashkatdhetarëve tanë, atëherë nuk e di pse do të duhej të quhej “Muaj i Mërgatës”.” Vërejtje tjetër imja në këtë takim ishte edhe për procesin e aplikimit për Mirënjohje nga komuna. Si proces, konsideroj se është pa vend, i panevojshëm dhe aspak i mirë. Institucionet e komunës duhet të jenë në gjendje ti identifikojnë njerëzit më kontribuues në komunën e Gjilanit. Në fund kërkova që kreu i komunës të ketë në fokus investimin ne sport, një sektorë i lënë anash dhe si i tillë i vetmi që po na bënë krenar. Nuk e di sa kemi të drejt të krenohemi me ata për të cilët bëjmë shumë pak, ose aspak” ka thënë Nuhiu./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).