Mu dogj zemra prej merakut
RajoniPress
23:40, 6 Korrik, 2021
Teksti, muzika dhe interpretimi : Demir Krasniqi
Mu dogj zemra prej merakut –
T’ dal t’ ia shoh malësinë Gollakut !
Mora rrugë për Kamenicë –
Për Gollak me dalë jam nisë !
Mora rrugën luginës së kocit –
Për rreth lumit t’ dy fshatrave t’ Hajnocit !
N’ krah të djathtë , te Gurët e Ngulur u ktheva luginës –
Nëpërmes të dy fshatrave të Meshinës !
Kur dola në krye t’ fshatit të Meshinës –
U ktheva djathtas luginës s’ lumit t’ Obërshinës !
Lugut t’ lumit ec e ec –
Der’ sa mbërrina në Tugjec !
Karshi lumit të Obërshinës –
Pashë themelet e vendlindjes !
E pashë Diellin plotë me dritë –
Ku jam lindë e ku jam rritë !
Mora rrugën prapë përpjetë –
T’ dalë t’ a shoh atë shkollë të shkretë !
Kur arrita n’ atë oborr –
Mu duktë shkolla sikur vorr !
Nëpër trup më vlonte mallë –
Asnjë njeri s’ e pashë të gjallë !
Kur pashë shkollat mbyllë me dry –
Lotët gurrë më ranë nën sy !
Këqyra zyrën drejt n’ oborr –
Askund s’ pashë se ka Drejtor !
Këqyra zyrën si prijatarë –
Askund nuk pashë Sekretarë !
Këqyra zyrën drejt me arë –
Askund nuk pashë arkëtar !
Këyqyra zyrën drejt me lis –
Askund s’ pashë Bibliotekist !
Këqyra klasat radhë e radhë –
Asnjë nxënës s’e pashë të gjallë !
Këqyra klasat farë për farë –
Nuk pashë mësues , as arsimtarë !
Gjilan, më 06.07. 2021 vj.
Demir KRASNIQI
