MTI-ja ‘fsheh’ të dhënat për investimet

Me gjasë, investitorët e kanë harruar fare Kosovën.

Sipas njohësve të çështjeve ekonomike dhe deputetëve opozitarë, jostabiliteti ekonomik dhe veçanërisht ai politik i 18 muajve të fundit, që nga zgjedhjet nacionale, ka bërë që investitorët ndërkombëtarë të mos e shohin Kosovën vend joshës për investime

Që nga pavarësia e deri më sot, asnjëra nga qeveritë e Kosovës, përfshirë edhe Qeverinë aktuale të Isa Mustafës, nuk po arrijnë që të krijojnë një ambient të përshtatshëm për tërheqjen e investimeve direkte ndërkombëtare. Ndërkaq, janë drejtuesit e MTI-së që po i mbajnë sekrete të dhënat se a pati investitorë të huaj në fillimvitin 2016, gjë që lë vend për dyshime se edhe nuk ka pasur asnjë investitor të huaj.

Sipas njohësve të çështjeve ekonomike dhe deputetëve opozitarë, jostabiliteti ekonomik dhe veçanërisht ai politik i 18 muajve të fundit, që nga zgjedhjet nacionale, ka bërë që investitorët ndërkombëtarë të mos e shohin Kosovën vend atraktiv për investime.

Sipas tyre, janë krimi dhe korrupsioni që kanë larguar investitorët e huaj nga Kosova. Se viteve të fundit investimet e huaja direkte në Kosovë kanë shënuar rënie të mëdha e tregojnë edhe të dhënat e Bankës Qendrore. Derisa në vitin 2007 vlera e investimeve të huaja ishte rreth 450 milionë euro, në vitin 2014 kjo shifër është jo më shumë se rreth 150 milionë euro.

Zëdhënësi i Bankës Qendrore të Kosovës, Besnik Kada, tregon se në vitin 2014, bilanci i investimeve direkte në Kosovë ka qenë 46 për qind më i ulët se në vitin 2013./kosova sot/