MTI-ja 331 mijë euro për avance jashtë vendit

Zyra e Auditorit të Përgjithshëm (ZAP), ka evidentuar shkelje të mëdha financiare në Ministrinë e Tregtisë dhe Industrisë.

Në pasqyrat e tyre financiare mujore dhe vjetore për vitin që e lamë pas Auditori ka gjetur një numër të madh lëshimesh dhe pasaktësish.

Shpenzimet dhe avancat për udhëtime zyrtare jashtë vendit ishin përcjellë me kontrolle joadekuate duke rezultuar në: Avance të paarsyetuara dhe të pambyllura.

Sipas Auditorit, Ministria e cila ishte udhëhequr nga Mimoza Kusari – Lila dhe tani nga pasardhësi i saj, Bernard Nikaj, vetëm për avancat për udhëtime zyrtare jashtë vendit ka shpenzuar 331 mijë e 584 euro, ku të paarsyetuara dhe të pambyllura, nga to janë 28 mijë e 119 euro..