MSH–ja paguan 32 euro produktin e 7 eurove

Një litër e produktit “Barium sulphate” për pacientët mund të gjendet në treg me çmim i cili sillet nga 7-11 euro, por jo edhe për Ministrinë e Shëndetësisë.

Kjo ministri gati dy vjet paguan për një litër të këtij preparati 32.6 euro. Kontrata është nënshkruar në korrik të vitit 2013 dhe është kontratë kornizë për 24 muaj, shkruan sot “Koha Ditore”.

MSh-ja nuk ka arritur të arsyetojë se pse që nga korriku i viti 2013 po e paguan këtë çmim. Në mënyrë të përgjithësuar janë arsyetuar me mungesën e listës me çmime referente. /Telegrafi/