Mrekullia e Nëntorit (Në 104-vjetorin e mëvetësisë së Shqipërisë)

Poezi nga Beqir Buzuku.

Në Arbëri 50 dekada s’pati pranverë as verë…
Kohë mjegulle, acari e duhie aty qe përherë.
***
Në TV dhe në Facebook bredh me mendjesy
Kujtesa shpesh më kthen te koha e brymtë
Për të rikujtuar pozitën e paraardhsve
Të derxhur pesë shekuj në ambient të zymtë.
Në fillim rrugës së gjatë nuk i dukej fundi
Thonë: “Njeriu është më i fortë se guri”
Rruga e jetës dhuron përvojë e shkathtësi
Për t’iu shmangur mbështetjes për muri…
Një ditë e urryera mjegull filloi të davaritej
Koha e amullisë u shporr në pakthim
Pritej ardhja e stinës së adhuruar
Atdheut të shqipeve për t’i falur shkëlqim.
Më 28 Nëntor, moti 1912, ndodhi mrekullia
Buzëqeshjet e gëzimit vërshuan në Vlorë
Magjepse qe valvitja e flamurit Kuq e Zi
Mëvetësinë e shtetit vulosi plaku mjekërborë.*
Plaku mjekërborë* i merituari Ismail Qemali, ideator dhe realizator
i mëvetësisë së shtetit të Shqipërisë.

Gjilan, 25.11.2016
Beqir Buzuku