MPJ-ja dështon ta afrojë Kosovën me Këshillin e Evropës

Diplomacia kosovare nuk i përmbush detyrat që ia ka përshkruar vetes për anëtarësimin e shtetit në organizata ndërkombëtare.

Finalizimi i aplikacionit për anëtarësim dhe depozitimi i tij në KE, sipas planit vjetor të punës së Qeverisë, duhej të bëhej më së largu në muajin qershor, shkruan sot Koha Ditore.

Ministria që drejton Hashim Thaçi ka dështuar ta bënte këtë. Për analistë e deputetë nuk është befasi që Thaçi të bëjë premtime pa mbulesë.

Njohës të KE-së kanë thënë se premtimi ishte dhënë pa u analizuar situata, nga shkaku që Rusia bashkë me Serbinë gëzojnë pozicione të forta në këtë organizatë.

Si rrethanë rënduese kanë përmendur kryesimin që tash e ka Bosnja. Në këtë situatë kanë thënë të jetë i domosdoshëm sponsorizimi i një vendi të fuqishëm që përkrah anëtarësimin e Kosovës, e që momentalisht ky sponsorizim nuk ekziston.

http://koha.net/?id=27&l=65788