Motrat Zeqiri dominojnë në Kampionatin individual të Kosovës në Ping Pong

Gjilan – Motrat, Linda dhe Hanife Zeqiri po arrijnë suksese kulminante në karrierën e tyre. Ato së fundit janë shpallur kampione dhe nën kampione në Ping Pong.

Kampionati Individual i Kosovës në Ping-Pong edhe herën e fundit u dominua nga motrat Zeqiri, lojtare të Klubit “Drita” nga Gjilani. Linda është shpallur Kampione për vitin 2018 si dhe Hanifja nën kampione.

Skender Zeqiri prindi i Hanifes dhe Lindës thotë se ndjehet krenarë me përfaqësimin e denjë dhe të shkëlqyer të vajzave të tij.”Vërtet është një ndjenjë e veçantë që përkundër vështirësive që kemi dhe mos përkrahjes së duar të këtij sporti, vajzat e mija që tani janë edhe të Kosovës e Anamoravës, me shumë krenari po na përfaqësojnë, duke treguar rezultate kulminante” tha Skender Zeqiri.

Kurse Linda dhe Hanifja thanë se ky rezultat i mirë u jep motiv dhe kurajo që të vazhdojnë me këtë ritëm edhe në vitet vijuese. /rajonipress/