Mot me shi – mundësi për vërshime në disa zona

Sot mbi vendin tonë do të mbajë mot kryesisht i vranët dhe me reshje intensive të shiut, të cilat lokalisht do të jenë në formë të rrebesheve, ku ka mundësi të sjellin edhe vërshime në zona të caktuara.

Meqenëse sistemi vie nga Afrika Veriore, do të bartë me vete koncentrime të pluhurit Saharian, me ç’rast reshjet do të jenë të përziera me baltë.

Temperaturat do të pësojnë ulje, me minimale që do të lëvizin prej 5 deri në 8°C, ndërsa ato maksimale prej 10 deri në 13°C.

Era do fryjë kryesisht nga drejtimi i juglindjes, e cila në momente të veçanta gjatë pasditës pritet të jerë mjaft e fuqishme, me shpejtësi prej 15-65 km/h. /Telegrafi/