Mot i nxehtë sot, në fundjavë bien temperaturat

Mot stabil, më i nxehtë, me kthjellime e diell do të mbretëroj ditën e premtë në vend. Temperaturat minimale zbresin deri në 10C e 14C, ndërsa maksimalet arrinë vlerat më të larta gjatë kësaj periudhe të të nxehtit që ka përfshi vendin, në 34C e 36C. Era frynë e lehtë dhe mesatare, jugore e jugperëndimore 4-9m/s.

Destabilizim i motit po pritet në ditët e fundit të verës meteorologjike. Vransirat shtohen ditën e shtunë, e më vonë duke shkuar nga mbrëmja priten rrebeshe shiu dhe bubullima. Këto rrebeshe kohëpaskohe vazhdojnë më pas ditën e diel. Temperaturat pësojnë rënie deri në 23C e 24C, të dielen.

Nga dita e hënë parashihen sërish kushte stabile, e temperaturat marrin një trend të rritjes në 28C e 31C. Minimalet luhaten ndërmjet 12C e 15C. Erërat kryesisht do të frynë nga jugu e perëndimi, të lehta dhe mesatare 5-10m/s, ndonëse herë herë mund të ndryshojnë drejtimin në veriore me kalime të sistemeve frontale, njofton Mendimi për Motin.