Mot i ngrohtë këtë fundjavë, reshje shiu në fillim të javës

Fundjava e parë e nëntorit do të karakterizohet nga mot i ngrohtë dhe me diell, me temperatura që do të arrijnë deri në 22°C.

Në orët e mëngjesit mund të ketë mjegull përgjatë luginave, e cila do të shpërndahet deri në mesditë.

Të hënën temperaturat mbeten të larta, por pasdite pritet shtim i vranësirave dhe mbrëmja do të sjellë rrebeshe shiu që do të vazhdojnë edhe gjatë natës.

Të martën moti kthjellohet, por temperaturat bien ndjeshëm deri në 12°C.

Nga e mërkura rikthehet moti kryesisht i kthjellët, me minimale deri në 0°C dhe maksimale rreth 15°C. Erërat do të jenë të lehta, me drejtim jugor gjatë fundjavës dhe verilindor në fillim të javës.