Mosbesimi ndërmjet partnerëve në Bllok

Deklaratat kundërthënëse të partnerëve në LVAN-it lidhur me atmosferën brenda bllokut, janë sinjale të cilat tregojnë se funksionimi i një koalicioni katërpalësh nuk është i lehtë. Kjo për faktin se të paktën njëri prej partnerëve nuk ka asnjë besim në dy prej tre partnerëve të tjerë.

Derisa për nënkryetarin e Vetëvendosjes Shpend Ahmeti, besimi në LDK e AAK është i barabartë me besimin që ky subjekt ka në PDK-në, për nënkryetaren e LDK-së Teuta Sahatçija, çdo gjë brenda bllokut është duke shkuar mirë, dhe se kohezioni brenda tij është i jashtëzakonshëm. Deklaratat e tilla të cilat janë diametralisht të kundërta, sipas saj, nuk duhet të merren për bazë, meqë, siç ka thënë ajo, i pari i Komunës së Prishtinës ka me çfarë punë tjera të merret për sa kohë që me bllokun merret lideri i VV-së, Albin Kurti.

“Shpend Ahmeti mundet me fol për komunën e Prishtinës, se ka punë aty. Ndërsa për koalicionin e ka shefin e partisë së vet. Nëse nuk ka besim në koalicion le t’i tregojë shefit të vet”, ka thënë Sahatçija. Sipas saj, harmonia brenda bllokut është shumë në nivel dhe se pret që shumë shpejt LVAN t’i marrë detyrat shtetërore që i takojnë si shumicë parlamentare…(Tribuna).