Mos pini lëngje të tharta në mëngjes

Uji i ngrohtë me limon për metabolizëm, i cili rekomandohet sapo të ngriheni nga shtrati, mund të dëmtojë dhëmbët

Një gotë ujë me limon të cilën nutricionistët gjithnjë e më shpesh e rekomandojnë për fillim të ditës, mbase edhe ndihmon që të përshpejtoni metabolizmin, mirëpo mund të dëmtojë dhëmbët.

Efektet e ujit me limon posaçërisht mund të jenë të këqija për dhëmbët nëse kjo pije pihet menjëherë sapo të zgjoheni, ashtu si rekomandohet për metabolizëm, për të përshpejtuar tretjen.

Stomatologët thotë që uji i ngrohtë me limon dëmton zmaltin e dhëmbëve, për ç’shkak dhëmbët bëhen të ndjeshëm dhe marrin ngjyrë të verdhemët.

– Zmalti i dhëmbëve dëmtohet për shkak të thartirës së limonit. Nëse këtë vazhdimisht e përsërisni, atëherë nëse vazhdimisht konsumoni lëngje dhe ushqim të thartë, shpartallohet zmalti i dhëmbëve ndërkaq shtresa e brendshme e dhëmbëve, e cila ka nuancë pak të butë, mbetet e ekspozuar dhe shumë e ndjeshme.

Kur e dëmton zmaltin e dhëmbëve, dhëmbët bëhen shumë të ndjeshëm ndaj të ftohtit. Fakti që dhëmbët lahen në mëngjes, jo gjatë pas konsumimit të ujit të ngrohtë me limon, edhe më shumë i përkeqëson gjërat.Në të vërtetë fërgimi me brushë pasi që keni ngrënë apo keni pirë diçka të thartë, edhe më keq dëmton zmaltin e dhëmbëve dhe shumë lehtë heq shtresën e jashtme.

Doktorët këshillon që në mëngjes të mos pini ujë me limon. Në vend të kësaj, për të hidratuar organizmin, pini vetëm një gotë ujë në mëngjes, kjo nuk do të dëmtojë dhëmbët.

Nëse edhe bash ndieni kënaqësi kur pini ujë të ngrohtë me lëng limoni, stomatologu këshillon që të ndërmerrni disa masa kujdesi: kurrë mos i lani dhëmbët menjëherë pasi që të keni pirë këtë pije.

Midis larjes së dhëmbëve dhe pirjes së ujit të ngrohtë me limon duhet të kalojnë së paku një ose dy orë.