Mos luani me toponime

Hajde hedhim valle s’ bashku krah për krah – Na janë mbushë këto male përplot me xherah ! Përplot me xherahë, specialistë, ekspert – T’ gjitha toponimet po na i bëjnë synet !

Ndaleni, o trima, dorën me ato shkrime –
E mos thurni ëndrra me këto toponime !
Leni patriotizmat, leni ma hajgaret –
Ruani toponimet që na i lan të parët !
Kokë n’veti pa baza, ndërroni toponimet –

Kështu brenda natës ua hupni kuptimet !
Ndaleni këto trillime, more llapa – llap ,
Kurrë në jetë Gollaku nuk ka qenë Gallap !
Mos lëshoni ma rrena pa një fije kripe –
Lexoni këta emra n’ fjalor t’ gjuhës shqipe !

Toponimeve t’ vjetra mos iu ngjitni bisht ,
Se emri Gollak nuk është fjalë serbisht !
Kamenica kurrë nuk ka qenë Dardanë ,
Rogaçica kurrë nuk ka qenë Roganë ,
Novobërda kurrë nuk ka qenë Artanë ,
Podujeva kurrë nuk ka qenë Besianë !…

Toponimet tona na i bëtë përshesh –
Dobërçani kurrë nuk ka qenë Miresh !
N’ toponime t’ lashta mos bëni beter –
Gjylekari kurrë nuk ka qenë Skifter !
Ndaleni dorën trima , mos ia futni kot ,
Obiliqi kurrë nuk bahet Kastriot !
Ndale dorën trim , mos u banë servil –
Millosh Obiliqi nuk bahet Kopil !…
Mos na shkruani ëndrra si po ua do kërraba ,

Se kurrë Orlloviqi nuk do t’ bahet Shkabaj !
Fusha e Kosovës kurrë s’ ka pas ushtri
Dhe as Vuçitërna kurrë s’ ka qenë Vushtrri !
Shkruaj drejt toponimet e kot mos ia rras ,
Se kurrë as Gllogovci nuk ka qenë Drenas !

Mos na shit kopalla , more hijerëndë –
Suhareka kurrë nuk ka qenë Therandë

Gjilan, më 23.01.2015. Demir Krasniqi

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).