Mos e prek heroin tim
RajoniPress
11:55, 28 Korrik, 2020
Nga Ismet Rashiti -(Kushtuar Gjergj Kastriotit – Skenderbeut)
Mos e prek Heroin tim
Ti që më qëndrove
Pesëqind vjet mbi shpinë,
Ti që më ndalove gjuhën,
Shkollat, dijen dhe diellin,
Në tokën time të lashtë,
U bëre Sulltan, u bërë Pashë.
Mos e prek Heroin tim
I cili në pritë të doli
Ty, që ma ndale fjalën,
Ty që ma ndërrove origjinën,
Nga Evropa më largove
Më bëre Azi.
Me forcë, me dhembje,
Me prerje kokash.
Mos e prek Heroin tim
Që ma ktheu nderin
Në kontinentin tim të vjetër,
Të humbur pa të drejtë
Për pesë shekuj jetë.
Mos e prek Heroin tim
Dhe asnjë faqe të historisë,
Të lavdisë, të krenarisë,
Që me gjak e shkruajtën
Luftetarët e Arbërisë.
Mos e prek, pra
Asnjë fjalë nuk e dua
Për Heroin tim të lirisë,
Se këtu nuk është Turqi,
As Anadoll nuk është.
Kurse unë jam trashëgimtari
Jam Zot i kësaj shtëpie
Zot i tokës time.
(26 korrik 2020, Zvicër)
