Morina, Sadriu e Visoka marrin licencë Profi-level

Tre trajnerët e spikatur të futbollit kosovar, Arbnor Morina, Isa Sadriu e Megzon Visoka, janë pajisur me licencë Profi-Level.

Federatës së Futbollit të Kosovës ju kanë shtuar edhe tre trajner të spikatur, Arbnor Morina trajner i shumë klubeve Kosovare e së fundi ishte trajner i Gjilanit, Isa Sadriu Përzgjedhës i grupmoshave U15 dhe Megzon Visoka Përzgjedhës i grupmoshave U19 tek femrat.

Një licencim i tillë është bërë në bashkëpunim me FSHF dhe FFK-së.

Për ish trajnerin e Gjilanit, Arbnor Morina kjo pajisje me këtë licencë është e mirëseardhur.

“Falënderojmë FFK dhe FSHF, që na kanë mundësuar që në mënyrë profesionale ti qasemi edhe më tepër lojës së futbollit, kjo licencë dëshmon se futbolli i Kosovës me hapa të sigurt po avancohet me futbollin evropian, është e rrugës që shumë trajner Kosovar të përcjellin kurse e trajnime profesionale për të mirën e futbollit Kosovar”.

Morina shpreson shumë se këto Licenca do të kenë efektin e saj në futbollin evropian.
“Tani pasi jemi familje e FIFA-së dhe UEFA-së dhe me liberalizimin e vizave për shtetin e Kosovës, shpresoj se shumë trajner kosovarë do të gjinden në klube evropiane”.

Shpresohet se edhe shumë trajner Kosovarë, do të kuptojnë se pa licencimin e tyre në nivelin më të lartë nuk mund të arrihen rezultate pozitive dhe nuk mund të promovohet futbolli Kosovar në atë Evropian./rajonipress/