Mora rrugën kah Kllokoti

Teksti, muzika dhe interpretimi : Demir Krasniqi

Rrezon Dielli, o, shkëlqen moti ,
Qielli i pastër, o, kthjelltë si loti …
Mora rrugën, o, kah Kllokoti –
Bukuri që i ka falë Zoti !

Me i pa fusha , o, me i pa male ,
Me i pa ujërat , o, minerale ,
Me i pa banjat , o, për shërime ,
Me i pa kopshtet , o, për pushime !…
Shoh luginën ,o, n’ Moravë t’ Epër –
Begati ,o, që ka për s’ tepër !

Gjarpëron fushës Morava e Binçës ,
Shndrisin fshatrat si yje t’ dritës !
Shikoj s’ largu , o, prej çardakut –
Shkëlqejnë malet e Karadakut !
Shikoj malet , o, e Zhegocit –
Dielli m’ ngrohë ,o, majat e kocit !
Shikoj borën mbi maje t’ Sharrit –
Shndritë si plisi mbi kokë t’ shqiptarit !

Shikoj majën e Lubotenit –
Piramidën e këtij venit !
Shikoj grykën e Kaçanikut –
Që iu bë , o, beden armikut !
Shikoj fushën , o, drejt Gjilanit –
Hambar drithi n’ tokë t’ Dardanit !

Gjilan, më 01.10.2016 . Demir Krasniqi